ချစ်ကြည့်လိုက်ပါ …
နေရောင် မိုးစက် ဆုံမှတ်တစ်နေရာအရောက်မှာ
သက်တန့်ဆိုတာ ဖြစ်လာတဲ့အခါ …
အရောင်ရောယှက် လှပတတ်သလို
ရှပ်တိုက်ပြေးတဲ့လေဟာလဲ
ကမ်းနဖူးထက် …
ခေတ္တခဏအေးမြစေနိုင်ပါတယ် … …
ဒါဟာ
သဘာဝပါ …။
ပြေးထွက်လိုက်ပါ …
ဘ၀အမောတွေကြားမှာ
မင်းစိတ်နှလုံးသား မွန်းကြပ်နေခဲ့ရင်
လယ်ကွင်းတွေကို ဖြတ်လို့
လတ်ဆတ်တဲ့လေကို ရှူရှိုက်လိုက်ပါ … …
တစ်ချို့ အရာတွေကို ရင်ထဲသိမ်းထားရတာ
ဖြေစရာမတွေ့ခိုက်မှာတော့
ဝေဒနာ တပွေ့တပိုက်ရှိတတ်ကြပါတယ် … …
ဒါဟာ
သဘာဝပါ …။
ရယ်မောလိုက်ပါ …
နှလုံးသားမှာလွမ်းဖျားဖျားနေလဲ
ကလေးတစ်ယောက်လိုသာ ရိုးသားလိုက်ပါ …
ပိုကောင်းလာမယ့် မနက်ဖြန်ဟာ
မင်းကို လက်ကမ်း
လျှောက်လှမ်းလာဖို့ ဖိတ်ခေါ်နေပါတယ် … …
ဒါဟာ
သဘာဝပါ …။
Post a Comment